ᓛᒐ ᐊᑐᐃᓐᓇᕈᖅᑎᑕᐅᒃᑲᓐᓂᕐᓂᐊᕐᓂᖓᑕ ᐸᕐᓇᐅᑖ 2016−2018 ᐊᕐᕌᒍᖏᓐᓂ (50 ᐅᖓᑖᓄᑦ ᐃᖅᑲᓇᐃᔭᖅᑏᑦ

ᐱᔾᔪᑖ:

ᐊᑐᐃᓐᓇᕈᖅᑎᑕᐅᒃᑲᓐᓂᕐᓂᐊᕐᓂᖓᑕ ᐸᕐᓇᐅᑖ ᐃᓗᓕᖃᐅᖅᐳᖅ ᐊᑐᐊᒐᓂᒃ, ᒪᓕᒐᓂᒃ ᐊᒻᒪ ᐊᐅᓚᔾᔭᐃᒋᐊᕈᑎᓂᒃ ᓛᒐᒃᑯᑦ ᐊᑐᓕᖅᑎᓐᓂᐊᖅᑕᖏᓐᓂᒃ, ᐊᑐᖅᑕᐅᓂᐊᖅᖢᓂᓗ ᓇᓗᓇᐃᖅᓯᓂᕐᒥᒃ, ᐲᔭᐃᓂᕐᒥᒃ ᐊᒻᒪ ᑲᑦᑑᒥᐅᑕᐅᔪᓐᓇᖅᑐᓂᒃ ᓴᖅᑭᑦᑎᑦᑕᐃᓕᒪᓂᖅ ᐱᓗᐊᕐᓗᒋᑦ ᐃᓄᖕᓄᑦ ᐊᔪᕈᑎᓖᑦ ᐃᖅᑲᓇᐃᔭᖃᑎᖃᖅᑐᑦ ᐅᕝᕙᓘᓐᓃᑦ ᓛᒐᒃᑯᓐᓂ ᐃᖅᑲᓇᐃᔭᖅᑐᓄᑦ. ᐊᑐᐃᓐᓇᕈᖅᑎᑕᐅᒃᑲᓐᓂᕐᓂᐊᕐᓂᖓᑕ ᐸᕐᓇᐅᑖ ᓴᖅᑭᑕᐅᕗᖅ ᓛᒐᒃᑯᑦ ᓇᓗᓇᐃᖅᓯᕙᓪᓕᐊᓂᐊᕐᒪᑕ ᐊᓐᑎᐅᕆᔪᒥ ᑎᒥᒥᒍᑦ ᐊᔪᕈᑎᓖᑦ ᐊᑐᐃᓐᓇᖃᕆᐊᖃᕐᓂᕐᒧᑦ ᐱᖁᔭᕐᔪᐊᖓᑕ ᐃᓗᓕᖏᓐᓂᒃ ᐊᑐᓕᖅᐸᓪᓕᐊᓂᐊᕐᒪᑕ.

ᐊᖏᕐᓂᕋᕐᓂᕐᒧᑦ ᐅᖃᐅᓯᖅᑕᖅ

ᓛᒐᒃᑯᑦ ᐊᖏᖅᓯᒪᕗᑦ ᑭᒃᑯᓕᒫᓂᒃ ᐊᔾᔨᒌᒃᑎᑦᑎᔭᕆᐊᖃᕐᓂᕐᒥᒃ ᒪᑭᒪᑦᑎᐊᕈᓐᓇᕐᓂᐊᕐᒪᑕ ᐊᒻᒪ ᐃᒻᒥᓂᕿᑦᑎᐊᕈᓐᓇᕐᓂᐊᕐᒪᑕ. ᐅᒃᐱᕆᔭᖃᖅᑐᒍᑦ ᐊᔾᔨᒌᒡᓗᑎᒃ ᐃᓅᖃᑎᒌᖕᓂᕐᒥᒃ ᐊᒻᒪ ᐊᔾᔨᒌᓂᒃ ᐱᕕᖃᖅᑎᑦᑎᓂᕐᒥᒃ. ᐊᖏᖅᓯᒪᕗᒍᑦ ᑎᒥᒥᒍᑦ ᐊᔪᕈᑎᓖᑦ ᑭᓐᖒᒪᔭᖏᓐᓂᒃ ᓴᖅᑭᑦᑎᓴᕋᐃᒍᒪᓪᓗᑕ, ᐊᒻᒪ ᑕᐃᒪᐃᑉᐸᓪᓕᐊᓂᐊᖅᑐᒍᑦ ᑲᑦᑑᒥᐅᑏᑦ ᐲᔭᖅᐸᓪᓕᐊᓗᑎᒃᑯᑦ ᐲᔭᕐᓗᑎᒃᑯᓪᓗ, ᐊᒻᒪ ᐊᓐᑎᐅᕆᔪᒥ ᑎᒥᒥᒍᑦ ᐊᔪᕈᑎᓖᑦ ᐊᑐᐃᓐᓇᖃᕆᐊᖃᕐᓂᕐᒧᑦ ᐱᖁᔭᕐᔪᐊᖓᑕ ᐃᓗᓕᖏᑦ ᐊᑐᓕᕐᓗᒃᑯᑦ.

ᐃᓕᓐᓂᐊᕐᓂᖅ ᐱᓕᒻᒪᒃᓴᕐᓂᕐᓗ

ᓛᒐᒃᑯᑦ ᐊᖏᖅᓯᒪᑦᑎᐊᖅᐳᑦ ᐃᓄᐃᑦ ᐊᔪᕈᑎᓖᑦ ᑐᓴᐅᒪᖃᑕᐅᔭᕆᐊᖃᕐᓂᖏᓐᓂᒃ. ᐃᓄᖕᓂᒃ ᐊᔪᕈᑎᓕᖕᓂᒃ ᐅᖃᓪᓚᖃᑎᖃᕐᓂᐊᖅᑐᒍᑦ ᑐᑭᓯᓇᓱᒡᓗᑕ ᑐᓴᐅᒪᔾᔪᑎᓕᕆᓂᐅᑉ ᒥᒃᓵᓅᖓᔪᓂᒃ ᖃᓄᐃᑦᑐᓂᒃ ᑭᓐᖒᒪᔭᖃᕐᒪᖔᖏᑦ ᐊᒻᒪ ᑐᒃᓯᕋᕐᕕᐅᔭᕌᖓᑦᑕ, ᐊᑐᐃᓐᓇᕈᐃᓂᐊᖅᑐᒍᑦ ᑐᓴᐅᒪᔾᔪᑎᓂᒃ ᐊᔪᕈᑎᖃᕋᓗᐊᖅᑎᓪᓗᒍ ᑐᑭᓯᔪᓐᓇᖅᑕᖏᑦᑎᒍᑦ ᐋᖅᑭᒃᓯᒪᔪᓂᒃ.

ᑐᓴᐅᒪᔾᔪᑎᓕᕆᓂᖅ

ᓛᒐᒃᑯᑦ ᐊᖏᖅᓯᒪᕗᑦ ᐃᓄᐃᑦ ᐊᔪᕈᑎᓖᑦ ᑐᓴᐅᒪᖃᑕᐅᑦᑎᓐᓂᐊᕐᓂᕐᒥᒃ. ᐊᐱᕆᔭᐅᔭᕌᖓᑦᑕ, ᐊᑐᐃᓐᓇᕈᐃᖃᑦᑕᕐᓂᐊᖅᑐᒍᑦ ᑐᓴᐅᒪᔾᔪᑎᓂᒃ ᖃᓄᐃᑦᑐᑐᐃᓐᓇᕐᓂᒃ, ᐋᖅᑭᒃᓱᖅᑕᐅᓯᒪᑦᑎᐊᕐᓗᑎᒃ ᑐᑭᓯᔪᓐᓇᖅᑕᖏᑦᑎᒍᑦ ᐃᑲᔪᖅᓲᑎᑎᒍᓪᓘᓐᓃᑦ. ᑕᒪᓐᓇ ᐃᓚᖃᖅᐳᖅ ᑕᖅᑲᐅᖓ ᐊᑐᐃᓐᓇᕈᖅᑎᑕᐅᓯᒪᔪᓂᒃ ᑐᓴᐅᒪᔾᔪᑎᓂᒃ ᐱᔨᑦᑎᕈᑎᑦᑎᓐᓄᑦ ᐃᒡᓗᑦᑎᓐᓄᓪᓗ ᑐᕌᖓᔪᓂᒃ, ᐊᒻᒪ ᑕᖅᑲᒃᑯᓄᖓ ᐊᑐᐃᓐᓇᕈᖅᑎᑕᐅᓯᒪᔪᓂᒃ ᑐᐊᕕᕐᓇᖅᑐᖃᓕᕐᓂᖅᐸᓪᓘᓐᓃᑦ ᐊᑦᑕᓈᕿᔪᖃᓕᖅᐸᓪᓘᓐᓃᑦ ᐊᑐᖅᑕᐅᓇᔭᖅᑐᓂᒃ.

ᐃᖅᑲᓇᐃᔭᖅᑐᓕᕆᓂᖅ

ᓛᒐᒃᑯᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᐱᐅᓯᖃᖅᐳᖅ ᐃᓚᐃᓐᓈᖃᕆᐊᖃᓐᖏᓐᓂᕐᒥᒃ ᐊᑐᐃᓐᓇᕈᖅᑎᑦᑎᓯᒪᓂᕐᒥᒡᓗ. ᓛᒐᒃᑯᑦ ᐃᖅᑲᓇᐃᔭᖅᑎᒃᓴᖅᓯᐅᓕᕈᑎᒃ ᑎᒥᒥᒍᑦ ᐊᔪᕈᑎᓕᖕᓂᒃ ᐊᐱᖅᓱᖅᑕᐅᖃᑕᐅᑦᑎᑦᑎᖃᑦᑕᕐᓂᐊᖅᑐᑦ ᐊᒻᒪ ᖃᐅᔨᓴᐃᖃᑦᑕᕐᓗᑎᒃ, ᐊᒻᒪ ᐃᖅᑲᓇᐃᔭᖅᑎᑖᕆᒍᓂᔾᔪᒃ, ᑭᓱᓂᒃ ᑭᓐᖒᒪᔭᓂᒃ ᑐᒃᓯᕋᕐᕕᐅᑐᐊᕈᑎᒃ ᖃᓄᖅᑑᕈᑎᖃᖃᑦᑕᕐᓂᐊᖅᑐᑦ.

ᐸᕐᓇᐅᑏᑦ ᑕᖅᑲᐅᓐᖓᖅᑕᐅᓂᖏᑦ

ᐸᕐᓇᐅᑏᑦ ᓛᒐᐅᑉ ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒎᖅᑎᑕᐅᓂᐊᖅᑐᑦ (“ᐊᑐᐃᓐᓇᐅᓂᖓ” ᐊᑐᕐᓗᒍ).ᐊᑐᐃᓐᓇᕈᖅᑎᑕᐅᓂᐊᖅᑐᖅ ᖃᓄᑐᐃᓐᓇᖅ ᐋᖅᑭᒃᓯᒪᔪᒃᑯᑦ ᑐᒃᓯᕌᕆᔭᐅᑐᐊᖅᐸᑦ. ᐊᐱᖅᑯᑎᒃᓴᖃᕈᔅᓯ, ᓂᓪᓕᐅᑎᖃᕈᒪᒍᔅᓯ, ᖃᓄᐃᓕᔪᒪᒍᕕᓪᓘᓐᓃᑦ ᐸᕐᓇᐅᑏᑦ ᒥᒃᓵᓄᑦ, ᓇᓕᐊᑐᐃᓐᓇᖅ ᐅᑯᐊ ᖃᐅᔨᒋᐊᕐᕕᒋᔪᓐᓇᖅᑕᑎᑦ:

ᓕᓐ ᕿᓚᕝᕙᖅ
ᐊᖓᔪᖅᑳᖅ
lynnk@largabaffin.ca

ᒪᐃᒃ ᑰᑦᖦ
ᓛᒐᒥ ᐊᐅᓚᑦᓯᔨ
mikec@largabaffin.ca

ᐱᑐᒃᓯᒪᓐᖏᓪᓗᓂ ᐸᕐᓇᐅᑏᑦ ᐊᔾᔨᖏᑦ

ᐅᕘᓇ ᓇᕿᓪᓗᒍ ᐊᓯᔾᔨᖅᑕᐅᔪᓐᓇᓐᖏᑦᑐᓂᒃ ᑎᑎᖅᑲᑦ ᐊᔾᔨᖏᓐᓂᒃ ᐱᔪᒪᒍᕕᑦ